رائعة صالح الدرازي ::نذر يم البنين:: مكتوبــة

نذر يم البنين عليّا ما أنساه .. وأنا الوافي إذا صار اللي أتمناه

نذر أنصب عزا الحسين .. وأهل دمعي على الخدين

====



بحزن الحسين .. ودمع زينب .. غسلت جفون غيماتي

يا أم البنين .. وعالآمال .. نصبت خيام طلباتي

فرشت نذور .. يَم الفرات .. بعطش محفور في ذاتي

ودخلت عليج .. بالعباس .. زرعت دموع حاجاتي



يا هالـ في الشدة موصوفة .. وعند الباري معروفة ..

وحق الساقي وجفوفه .. ترويني

يا باب الله إلى الجنة .. ولا ليّا غنى عنه ..

تبلغيني اللي أتمنى .. وتوفيني



مقامج عالي عند الباري يا حرة ..

جرى حبر القدر في الدنيا تحت أمره ..



وإذا قرّت إليّا العين ..

نذر أنصب عزا لحسين ..



نذر يم البنين عليّا ما أنساه .. وأنا الوافي إذا صار اللي أتمناه

نذر أنصب عزا الحسين .. وأهل دمعي على الخدين

====



طلبتج يا .. بعد حزني .. يا بحر همومي وأمواجه

ولا ظني .. تخليني .. يا باب الله لكل حاجة

طلبتج يا .. أشد حسرة .. على اللي انقطعت أوداجه

محد غيرج .. إذا قلبي .. تألم يعرف علاجه



عرفتج من عرفت حسين .. على المتعني ما تقسين ..

وإذا واعدتي ما تنسين .. أبد الوعود

عرفتج وافية وحرة .. عزيزة انتي على الزهرا ..

تغرقين الملا بقطرة .. يا بحر الجود



يقين وما أشك مطلوبي تقضينه ..

يهمج خاطري مو صعبة ترضينه ..



لجل يم الوفا ترضين ..

نذر أنصب عزا لحسين ..



نذر يم البنين عليّا ما أنساه .. وأنا الوافي إذا صار اللي أتمناه

نذر أنصب عزا الحسين .. وأهل دمعي على الخدين

====



أنا الـ دقيت .. باب الناس .. ورجعت بروح حيرانة

حمام أحزان .. من دمعي .. يدور وين أغصانه !

ومن الحاجات .. يم البنين .. القلب صف ليج جنحانه

وعيني قربة .. العباس .. بدمع الآمال مليانة



إجيت بقربتي أنحب .. سهام عليّا تتصوب ..

يا حصن الله اللي ما خيب .. تخيبيني



غسلت من البشر ظني .. وبعد ما كل أمل صدني ..

وكل باب أنتخي ردني .. ترديني



على الله ودمعج الغالي بنيت آمال ..

عقيدة عندي الله يغير الأحوال ..



وإذا دموعج وفت بالدين ..

نذر أنصب عزا لحسين ..