ما أقدر أعوفك

من طرف **^^alzayer^^** الخميس فبراير 21, 2008 11:53 am

ما أقدر أعوفك يانظر عيني ياشبة جدي وزهرة اسنيني

أسم الله اعلى طولك يالولد واعلى جمالك
شلت يمينة ياعلي العفر أوصالك
ريت الجرى يابني جرى ليا بدالك
مصابك فجعني ياللذي من أحمد خصالك

هديت ركني وزادت همومي ياعلي الأكبر وأول بنيني

ما اقدر اعوفك يانظر عيني ياشبة جدي وزهرة اسنيني

قلة فداك نروح كلنا يابو الاحرار
بس أنت تسلم ياالولي من ذولا الأشرار
بوية لا تبجي غالية اعلى هالاعبار
يامهجة الزهرة وعلي و أحمد المختار

منهو بقالك ياقرة العين مصاك يابوية زييد ونيني

ما أقدر أعوفك يانظر عيني ياشبة جدي وزهرة اسنيني
من رحت يابني المعركة انخطف لوني
وعليك ياشبة النبي شاخصة اعيوني
وهمي ترد لي يالولد خابت اظنوني
شاقول لامك والحرم حين اسألوني

ياحسين وينه صورة الهادي وأمك تنادي يمتى تجيني يايمة

ماأقدر أعوفك يانظر عيني ياشبه جدي وزهرة اسنيني
سلم على أمي ياشهيد الغاضرية
وعلى الغريبة عمتي الحرة الأبية
وقلهن يابوية رويحتي لجلك هدية
لو روحي ترجع للجسد تريد المنتية

كل الخلايق فدوة لترابك أدري يابوية ساعة وتجيني والله تجيني

ماأقدر أعوفك يانظر عيني ياشبة جدي وزهرة اسنيني
أمك تصيح ونادتك ياروح أمك
ياوردة من جنة عدن مشتاق أشمك
متعوده صبح ومسا كل يوم أضمك
وشلون أشوفك ياعلي سابح بدمك

الموت فرق بينك وبيني ومن بعد هاليوم ماظن تجيني ياوليدي

للتحميل ع الرابط التالي

http://www.mediafire.com/?62mbumy39ie